DÍA DO TEATRO

Estamos moi ilusionados co agasallo que recibimos neste fantástico Día do Teatro.

A autora CELIA DÍAZ NÚÑEZ, causounos moita ledicia ao recibir este libro adicado.

Como algúns recordaredes, os alumnos, que agora están en 5º de primaria, representaron a obra do seu libro, Cataventos e Cía, e por tal motivo,hoxe recibimos esta gran sorpresa.

MOITAS GRAZAS CELIA!!!!
Prometemos representar esta abraiante nova obra de teatro infantil.

GAÑADORES CONCURSO PENSAMENTOS PI

E os gañadores do concurso de PENSAMENTOS PI foron:

 Paula Cabalerio Rodríguez e Almudena Muñoz Besada de 5º de Primaria.

Os seus pensamentos PI foron:

"Son a doce e morna estreliña da espida noite que canta cantigas cariñosas. Síntome tristeira sen ti, que escoitas a miña laia."

                                                                              Paula Cabaleiro.

"Sol e luar, a forma sinxeliña de sentir pasar o día, noite. Ansiadas vacacións, ledicia agarimosa, que eu vou festexar cada mañá."

                                                                              Almudena Muñóz.

Aquí temos a foto das gañadoras co seu premio, unha camiseta PI, e a os participantes co seu pequeno agasallo por participar.

NORABOA e moitas grazas a todos os participantes. Sabemos que foi un concurso difícil.

SESIÓNS PI

Realizamos o  Cálculo de p a través da relación entre lonxitude de circunferencia e diámetro de diferentes  botes e obxectos coa maior aproximación posible utilizando as series infinitas de Gregory-Leibniz ou a serie Nilakantha.

Día PI

CELEBRACIÓN DO DÍA

O vindeiro día 14 de marzo será, en formato anglosaxón, o día 3-14-15, cifras que coinciden co número pi. Dende o  colexio queremos aproveitar esta circunstancia para conmemorar a historia, transcendencia, curiosidades e didáctica de tan célebre número a través de diversas actividades centradas en p.

        1º Concurso de pensamentos/relatos p, que xa tedes colgado no blog da biblioteca.

        2º Cálculo de p a través da relación entre lonxitude de circunferencia e diámetro de diferentes botes.

        3º “Calculemos p”: consistirá en calcular coa maior aproximación que se poida o número pi, utilizando as series infinitas de Gregory-Leibniz ou a serie Nilakantha.

As actividades 2º e 3º  levaranse a cabo o venres 13 de marzo na biblioteca para os alumnos de 5º e 6º Primaria despois do recreo.

Haberá sorpresas para os que mellor calculen. 

1º CONCURSO DE PENSAMENTOS PI

Co gallo da celebración do día do  número Л, o 14 de marzo, que en estilo anglosaxón exprésase 3/14 e como ademais este ano é 2015, sería 3/14/15.

Convocamos un concurso de microrrelatos e/ou  pensamentos.

Trátase de escribir un pequeno texto en prosa, onde cada palabra teña tantas letras como cada díxito do número Л na orde que indica o número.

Л(pi)= 3,14159265358979323844...

Un exemplo de pensamento con métrica PI  (en castelán):

Caí y miré a Laura enamorado, su cuerpo débil era ahora perfecto

                              3   1   4      1    5              9           2      6          5     3         5            8

BASES DO CONCURSO

1. Poden participar os alumnos de 5º e 6º de Educación Primaria
2. Os relatos estarán escritos en Galego e terán un mínimo de 10 palabras
3. Serán descartados aqueles relatos con faltas de ortografía
4. Os signos de puntuación non computan na métrica do relato
5. Os relatos entregaranse ao titor antes do día Л (o sábado14 de marzo)
6. Os gañadores de cada clase serán obsequiados cunha camiseta de deseño Л